LOHIKA

Logic.

Iyon ang subjec t na dahilan upang magkaroon ng internal-bleeding ang utak ko. Minsan, naiisip ko na adik lang si VENN sa mothballs kaya napag-tripan niyang gumawa ng VENN DIAGRAM para pasirkuhin ang utak ng isang walang-kalaban-labang na indibidwal.





Kung titignan mo, parang logo lang ng Olympics na nakulangan ng dalawang bilog dahil sa inantok na yung nag-do-drawing.

Pero mapanlinlang.

Mag-uumpisang mag-tumbling na sasabayan pa ng pag-split ang defenseless mong utak kapag kinabitan na yan ng mga letra na sumisimbulo sa Minor Premise, Major Premise at Conclusion.

Kakaiba ang moods ni LOGIC na mahirap sakyan. Halimbawa na lang ng AA-A. Oo. Kung paano mo malalaman kung Happy, Sad, Angry o Hungry siya ay di ko alam. Basta, hinuhugot ang moods ni LOGIC sa apat na letra.

A - E - I at O.

Kung itatanong mo sa akin kung nasaan ang U, malamang wala akong maisasagot.

Noong panahon na pilit kong kinikilala si LOGIC ay siya namang paghatak ni Hudas sa talukap ng mga mata ko. Na kahit lagyan ko ng toothpick ay di uubra para wag itong matulyang magsara.

Hanggang sa huli ay napagtanto ko na isa na naman akong biktima ng sarili kong krimen.

Hanggang ngayon ay nasa tabi ko pa rin si LOGIC na patuloy akong minumulto.

Talaga atang di kami magku-krus ng landas ni LOGIC. Kung nag-krus man ay panandalian ko lang siyang inusisa,

Naramdaman ko na parang pakwang pinagulong-gulong mula sa tuktok ng Mt. Everest ang utak ko at tuluyang nagkalasug-lasog ng mga panahong iyon sa ilalim ng mga kamay ng butihin naming propesor na infairness eh, parang nagpa-buttocks ng cheecks at parang modelo ng PONDs nung kabataan niya.

Ang hirap humanap ng sagot sa exam kahit na open-notes pa ito. Mahirap dahil di mo alam kung saang parte ng notebook mo hahanapin ang sagot o di kaya'y wala ka namang notes na mai-o-open.

Para akong Modern Sisa habang naglalakad sa Teresa. Inaabangan ang pagdaan ng nawawalang si LOGIC. Mahirap gamutin ang nagdudugong utak lalo na kung ayaw mong ipagamot.

NOTA BENE: Mag-ingat dahil baka bigla ka na lang masaksak ni LOGIC.